Irailaren 30ean batzar irekia egingo dute Beasaingo Igartzako jauregian.
«Errepublika propioa eraiki» nahi dute. Trenaren motorra «herritarra,
anitza eta irekia» izatea dute helburu.
Beasain XIX. mendetik gaur egunera arte, Goierrin eta
goierritarrengan trenak izan duen eta duen garrantziari
erreferentzia eginez, Goierritik Euskal Errepublikarako bidaia
hastea erabaki dute hainbat goierritarrek. Beasaingo tren
geltokia aukeratu dute Goierritik Euskal Errepublikaren aldeko
dinamika herritarra aurkezteko. Gaur arratsaldean egin dute
aurkezpena.
Taldearen izenean Inma Albisuk eta Maddi Jauregik irakurritako
idatziaren arabera, «trenak hartzen iaioak izanik, jakin
badakigu trenak ez duela itxaroten. Tren batzuk behin baino ez
dira pasatzen». Honela, «herriek hauspotutako» Eskoziako edo
Kataluniako trena hartu nahi dute: «Galdu ezin dugun trena dugu
parez pare: askatasunaren, justizia sozialaren, parekidetasunaren
eta demokraziaren trena».
iruzkinik ez:
Argitaratu iruzkina