Euskal Herriko Mugimendu Feministak deitutako grebarekin bat
egin dute ehunka emakumek Goierrin. Herriz herri ekitaldiak
egiten ari dira goizean zehar. Jendetsuena ordea, Beasain eta
Ordizia artean egin duten manifestazioa izan da.
Goizeko 11:00etan Beasaingo Zubimuzu plazan egin dute
aurreneko bilkura. Handik Ordiziara abiatu dira manifestazioan, Emakumeok planto
lemadun pankartaren atzean. Bidean zehar, emakume gehiago
gehitzen joan zaizkie, tartean CAF lantegikoak. Haziz joan da
hala jende ilada, eta burua Ordiziako plazara iritsi denean,
jendea artean Urdaneta kalean zihoazen atzekoak.
Plazan Ordiziako, Legorretako eta Itsasondoko emakumeekin bildu
dira Beasaindik zetozenak, hare jendetsuagoa izan den
elkarretaratzean. Kantuak eta aldarrikapenak ez dira falta izan,
kolore morea izan duen ekitaldian.
iruzkinik ez:
Argitaratu iruzkina