Altsasuko egoera gertutik ezagutzeko hitzaldia, Zegaman

Hitzaldi bira egiten ari dira Altsasuko Herri Asanbladako kideak Euskal Herrian barrena. 'Piztu desmilitarizazioa' izenburupean, Altsasuko nahiz Sakanako errealitatea lehen pertsonan zabaltzea dute helburu.  


Egitasmo horren baitan, hitzaldia egingo da Zegaman ere.  Otsailaren 25ean, larunbata, eguerdiko 12:00etan jarri dute hitzordua, Kultur Etxean.

Azken hilabeteetako gertakarien ondoren, bolo-bolo dabiltza Sakanaren gaineko iritziak, baina, gehienak manipulazio eta intoxikaziotik asko dutela uste dute. Gainera, helburua sakandarrak kriminalizatzea dela uste dute. Horregatik, kontakizuna bertan bizi direnen ahotik egin nahi dute. 

Hitzaldi bira honekin herritarren mugimendua indartu eta, bestetik, desmilitarizazioaren borroka berpiztu nahi dute: "Desmilitarizazioaren eta errepresioaren gaia gure herriaren agenda politikoaren erdigunean kokatzera goaz".