Goi tentsioko linearen
aurkako plataformako kideek esplikatu dute Espainiako Gobernuak
baieztatu diela egitasmoa bazter utzi duela. Ordezkorik egin ez dadin
ari dira orain lanean.
(BERRIA) Igaro diren urteotan egindako lana ez da alferrik izan». Itsaso
(Gipuzkoa) eta Deikaztelu (Nafarroa) artean goi tentsioko linea bat
egitearen aurkako plataformako ordezkariek baikor hitz egin zuten atzo
Iruñean; izan ere, adierazi zutenez, ez da egitasmo hori egingo. Ez
iragarrita zegoen eran, behintzat. Azaldu zutenez, iturri onetik jasoa
dute albistea: Espainiako Gobernuaren Ingurumen Ebaluaziorako
Zuzendaritzak jakinarazi die, ofizialki. Hortik poza. Argudiatu zuten,
gainera, proiektua atzera botatzeko arrazoibide nagusietako bat haren
kontra aurkeztutako helegite ugariak izan direla —milaka, horietako asko
lineak eragingo lukeen ingurumen kalteari buruzkoak—, eta ehun
udalbatzak baino gehiagok egitasmoa ez egiteko eskatuz onartutako
mozioak.
iruzkinik ez:
Argitaratu iruzkina