Espetxeetan preso edo ihesean direnekin kezkaturik, Euskal Herriko langileek abiatu duten Ireki egitasmoaren baitan, manifestazioa egingo da datorren larunbatean, ekainak 17, Gasteizen.
Horretarako, autobusa irtengo da Beasaingo anbulategitik goizeko 9:45ean. Itzulera 13:30ak aldera izango da Gasteiztik. Zegaman ere eman ahal izango da izena betiko tokietan.
Mobilizazioak “martxa” formatoa izango du, langile
mugimenduak historikoki garatu duen mobilizazio eredua dela-eta.
Bi martxa abiatuko dira ordu berean, goizeko 11:00an: bata Arangiztik
eta bestea Otazutik. Bi martxa hauekin euskal preso eta iheslarien
etxeratzearen aldeko ikur bilakatu diren bi gezi gorriak irudikatu nahi
dituzte.
Bi martxek “Andra Mari Zuriaren plazan” bat egin ostean, 12:30an
manifestazio nazionala abiatuko da “Martxoaren 3”ko plazaraino, eta
bertan ekitaldi berezi bat iragarri dute. Ekitaldiaren diseinuan
langileen parte hartzea bilatu eta bultzatuko dutela esan dute antolatzaileek, haien
proposamenak eta iniziatibak bilduz, eta IREKIk duen web orrian
erakusgai ipiniz.
Azkenik, ekitaldiaren amaieran IREKI ekimeneko kideek kurtsoan zehar
egindako lanaren emaitzaren berri emango dute, bereziki
bi kontu argituz: Zenbat sinadura bildu dituzten eta noren esku utziko
duten euskal langileengan bildutako atxikimendua. Lan munduan preso eta iheslariaren etxeratzearen alde sinadurak biltzen ari da IREKI ekimena.
iruzkinik ez:
Argitaratu iruzkina