Rafa Diez: "Ez da aldaketa sozialik izango burujabetza politiko eta ekonomikorik gabe"

Euskal Bidea prozesuari alde bakarretik heltzeko zuzenketa estrategiko beharrezkotzat jo du. Gizarte aldaketa eta burujabetza politikoa lotuta ikusten ditu, eta sindikatu abertzaleek ekintza batasuna berreskuratu behar dutelakoan dago.

     Bateragune auzian espetxetik azkena irtengo da Rafa Diez Usabiaga LABeko idazkari nagusi ohia (Lasarte-Oria, 1956), 2017ko udan. Ez du itxaropenik lehenago askatua izateko. Badaki ezker abertzalearen estrategia aldaketaren ikur direla Bateraguneko presoak estatuarentzat, eta horregatik jo du horren gogor haien aurka. Duesoko espetxetik (Kantabria, Espainia) erantzun dio, gaztelaniaz, BERRIAren galdetegiari.