Joxe Urbizuren hezurrak Zegamara ekarriko dituzte, fusilatu eta 79 urtera

2013ko martxoaren 20an atera zituzten hamar pertsonaren hezurrak, eta haietako bat Joxe Urbizu zela ebatzi dute analisi genetikoek. Igandean itzuliko da Zegamara, aitaren bila irten zenetik 79 urte geroago.
     Urbizuren ondorengoek bultzatuta, ekitaldi instituzional batekin aitortza egingo diote igandean, 11:00etan, Zegamako udaletxean. Aranzadi Zientzia Elkarteak gorpuzkinak familiari emango dizkio, eta familiak udalari, «herriratzearen irudikapen bezala», azaldu du Zigor Etxeburua familiartekoak.

Aitortza publikoa izan nahi du, 1936ko gerran fusilatuekiko erakundeek errekonozimendua egiteko hitzordua. Eusko Jaurlaritzako eta Gipuzkoako Foru Aldundiko ordezkariak ere gonbidatu dituzte.

•  Albistea osorik: Goierriko Hitzan