Hirugarren urtez ospatuko du Gazte Herexak Gazte Eguna apirilaren 12an, larunbatez. Egun osoko egitaraua prestatu dute gazteek.
Goizeko 10:30ean emango diote hasiera festa egunari. Bertan elkartzen direnen artean taldeak egin eta "herri kirol bereziak" egingo dituzte. Eguerdian makarroi-jana egingo dute plazan bertan, eguraldiak laguntzen ez badu eskolako patioan egingo dute. Horretarako, aurrez izena ematea beharrezko izango da. Hala ere,bazkaria doakoa izango da, beraz gazte guztiak gonbidatu dituzte.
Urteroko gixan, Gazte Herexaren mus txapelketa jokatuko da frontoian; 15:30etatik aurrera emango dute izena bikoteek eta arratsalde osorako jarduna izango dute. Bitartean, plazan bingoan jokatzeko aukera izango da arratsaldean zehar.
Iluntzean festa giroan murgilduko dira gazteak. Trikitilarien laguntzarekin, iluntzeko zortzietan poteoa egingo dute herriko tabernetan zehar. Afaria, berriz, Ostatuan izango da; tikeak bertan erosi behar dira 15 euroan bukatu arte.
iruzkinik ez:
Argitaratu iruzkina