Josu Juaristi EH Bilduko europarlamentariak pasa den asteburuan
Kanariar Uhartetan Espainiako Armadak buruturiko erasoa salatu du,
Europar Batzordeari zuzendutako galdera batean.
Azaroaren 15ean Espainiar Armadak Greenpeaceko ekintzaileen aurka oso
bortizki jo zuela eta Espainiako Industria Ministerioak Armadaren
jarrera babestu dituela azaldu du EH Bilduko hautetsiak aurkeztutako
galderan. Gertakarien aurrean Batzordearen iritzia eskatu eta Batzordeak
protesta baketsuen kontrako neurrigabeko erantzunen aurrean neurriak
hartuko dituen galdetu du Josu Juaristik.
Azkenik petrolio zundaketek izan ditzaketen ondorioen inguruan
Europar Instituzioak izango duen jarreraz galdetu eta petrolio isuri
batek Kanarietan izan ditzakeen arriskuak eta eragin ditzakeen kalteak
azpimarratu ditu ere EH Bilduko europarlamentariak. Josu Juaristiren
hitzetan "Oso larria da, estatu espainolak Repsolen zerbitzuan jartzea
armada, Kanarietako herritarren borondatearen kontra manu militari
defendatzeko enpresa pribatuen interesak".
EH Bilduk, Herriek Erabaki koalizioko kideekin egoeraren jarraipena
egingo du hemendik aurrera eta petrolioaren multinazionalen interesen
aurrean herritarren borondatea eta herrien subirautza defendatzen
jarraituko du.
iruzkinik ez:
Argitaratu iruzkina