Amets eta Sararen hilketaren aurrean EH Bildutik gure dolumin
sentituenak adierazi nahi diegu umeen senideei. Bere emazte ohiari
ahalik eta minik handiena egiteko modu bortitza, deskribaezineko mina eragiten duena, erabili du hiltzaileak, bi haurren bizitza aurretik eramanez.
Hilketa lazgarri hauek gogoratzen digute XXI. mendean gizon-emakumeen
arteko dominazio-harremanek bizirik dirautela eta horrek izen bakarra
du: patriarkatua.
Indarkeria matxistak emakumeak erasotzen ditu bereziki baina ez dira
biktima bakarrak. Ametsen eta Sararen hilketek erakusten digute
emakumeen kontrako erasoek beste pertsona batzuk ere eraman ditzaketela aurretik, hala nola, emakumeen seme-alabak.
Gurasoen banantze-kasuetan haurren zaintzari buruzko eztabaida mahai
gainean daukagun honetan, matxismoak aldarrikatzen du tratu txarrak
eragiten dituzten aitak aita on izan daitezkeela, ez dutela zertan aita
txar izan behar. Zoritxarrez gertakari honek argi uzten du arriku
erreala badagoela umeentzako. Era berean, emakume bat
fisikoki edo/eta psikologikoki birrintzen ari den gizon bat ezin da
aita ona izan, botere harremanen baitan ulertzen baitu bizia eta honek
bere inguruan duen guztiari eragingo dio.
iruzkinik ez:
Argitaratu iruzkina